Епіскап Гомельскі і Жлобінскі

Стэфан 

(Свецкае імя – Анатоль Уладзіміравіч Нешчэрэт)

Пасля заканчэння службы ў шэрагах Узброеных сіл, з 1985 па 1988 год праходзіў навучанне ў Маскоўскай Духоўнай Семінарыі. Падчас вучобы 4 студзеня 1987 года быў пастрыжаны ў манаства з імем Стэфан у гонар першамучаніка архідыякана Стэфана. Пострыг здзейсніў інспектар Маскоўскай Духоўнай Семінарыі архімандрыт Венедыкт (Князеў) у Свята-Траецкім саборы Тройца-Сергіевай Лаўры.

14 студзеня 1987 года Высокапраасвяшчэнны Аляксандр, архіепіскап Дзмітраўскі, рэктар МДАіС, пасвяціў манаха Стэфана ў іерадыякана ў Свята-Пакроўскім акадэмічным храме, а 3 чэрвеня таго ж года - у сан іераманаха ў царкве ў гонар Смаленскай іконы Божай Маці у Тройца-Сергіевай Лаўры.

З 1987 па кастрычнік 1988 года іераманах Стэфан служыў у Свята-Мікалаеўскам храме вёскі Рабоцін Каропскага раёна Чарнігаўскай вобласці, затым па травень 1990 года нёс розныя паслушэнствы ў Свята-Успенскай Кіева-Пячэрскай Лаўры, а з траўня па верасень 1990 года быў настаяцелем Свята-Нікалаеўскай царквы ў вёсцы Сварычоўка Ігнянскага раёна Чарнігаўскай вобласці.

1 лістапада 1990 года іераманах Стэфан пераведзены ў Гомельскую епархію Беларускага Экзархата Маскоўскага Патрыярхата і прызначаны настаяцелем Свята-Пакроўскага храма ў сяле Карма Добрушскага раёна Гомельскай вобласці.

Тут Промыслам Божым і стараннасцю айца-настаяцеля ў 1991 году былі аднойдзеныя мошчы святога праведнага Іаана (Гашкевіча), цудатворцы Кармянскага, прылічанага да ліку мясцовашанаваных святых 30 красавіка 1998 года. Аднойдзенне мошчаў у 1991 годзе супала з прыездам у Гомель Свяцейшага Патрыярха Маскоўскага і ўсяе Русі Алексія II у дні першага візіту Яго Свяцейшаства ў Беларусь.

У сан ігумена іераманах Стэфан быў узведзены 13 студзеня 1994 года, у сан архімандрыта - 14 кастрычніка 1997 года.

22 снежня 1998 года архімандрыт Стэфан быў прызначаны благачынным Добрушска-Кармянскай царкоўнай акругі.

Стаўшы месцам паломніцтва, Свята-Пакроўскі прыход у Карме ў 2000 годзе быў пераўтвораны ў Свята-Іаана-Кармянскі жаночы манастыр, а архімандрыт Стэфан прызначаны яго будаўніком.

27 чэрвеня 2001 года падчас свайго чацвёртага апостальскага вандравання па беларускіх епархіях Свята-Іаана-Кармянскі манастыр наведаў Свяцейшы Патрыярх Маскоўскі і ўсяе Русі Алексій II і Прэзідэнт Рэспублікі Беларусь Аляксандр Лукашэнка.

У перыяд свайго пастырскага служэння архімандрыт Стэфан стварыў Службу з акафістам святому праведнаму Іаану Кармянскаму і акафіст прападобнаму Лаўрэнцію Чарнігаўскаму.

У 2002 году архімандрыт Стэфан скончыў поўны курс Кіеўскай Духоўнай Акадэміі.

Пастановай Свяцейшага Патрыярха Маскоўскага і всея Русі Алексія II і Святога Сінода Рускай Праваслаўнай Царквы ад 24 снежня 2004 гады архімандрыту Стэфану (Нешчэрэту), клірыку Гомельскай епархіі, благачыннаму Добрушска-Кармянскай царкоўнай акругі, будаўніку Свята-Іаана-Кармянскага манастыра вызначана быць епіскапам Тураўскім і Мазырскім.

29 студзеня 2005 года ў Гомельскім Свята-Петра-Паўлаўскім саборы было здзейснена нарачэнне архімандрыта Стэфана (Нешчэрэта) у епіскапа Тураўскага і Мазырскага.

30 студзеня 2005 года ў Свята-Петра-Паўлаўскім кафедральным саборы горада Гомеля за Божай літургіяй была здзейснена хіратонія архімандрыта Стэфана (Нешчэрэта) у епіскапа Тураўскага і Мазырскага. Хіратонію здзейснілі мітрапаліт Мінскі Філарэт, Патрыяршы Экзарх усяе Беларусі (цяпер -- ганаровы Патрыяршы Экзарх усяе Беларусі), архіепіскапы Уральскі и Гур'еўскі Антоній (цяпер -- Уральскі і Акцюбінскі), Віцебскі і Аршанскі Дзімітрый, Пінскі і Лунінецкі Стэфан, Гомельскі і Жлобінскі Арыстарх (+2012), епіскапы Бабруйскі и Быхаўскі Пётр (цяпер - епіскап Смаргонскі, вікарый Навагрудскай епархіі), Гродзенскі і Ваўкавыскі Арцемій (цяпер -- архіепіскап), Навагрудскі і Лідскі Гурый (цяпер -- архіепіскап), Полацкі і Глыбоцкі Феадосій (цяпер -- архіепіскап), епіскап Чарнігаўскі і Нежынскі Амвросій (цяпер -- архіепіскап Чарнігаўскі і Ноўгарад-Северскі), Васількоўскі Панцеляіман, вікарый Кіеўскай мітраполіі (цяпер -- архіепіскап Уманскі і Звенігародскі), Магілёўскі і Мсціслаўскі Сафроній (цяпер -- архіепіскап), Брэсцкі і Кобрынскі Іаан.

Рашэннем Святога Сінода ад 7 чэрвеня 2012 г. (журнал № 53) прызначаны Праасвяшчэным Гомельскім і Жлобінскім.

Рашэннем Сінода  БПЦ ад 3 верасня 2012 г. (журнал № 163) зацверджаны на пасадзе настаяцеля (свяшчэннархімандрыта) Свята-Мікольскага мужчынскага манастыра ў г. Гомеле і на пасадзе настаяцеля прыхода кафедральнага сабора свв. апп. Пятра і Паўла ў г. Гомеле.