Хрышчэнне Госпада нашага Іісуса Хрыста |
Свята Хрышчэння, або Богаяўлення, – гэта ўспамін таго дня –19 студзеня (6 студзеня ст. ст.), калі 30-гадовы Іісус Хрыстос прыйшоў з Назарэта, дзе Ён жыў, да ракі Іардан, на якой прарок Іаан Прадцеча прапаведваў ачышчэнне і пакаянне. Не дзеля ўласнага ачышчэння, але каб даць прыклад усім народам Адзіны бязгрэшны Іісус пажадаў Сам прыняць хрышчэнне ад Іаана. Пасля амавення Хрыста ў водах Іардана на Яго сыйшоў Дух Божы ў выглядзе голуба і пачуўся голас Бога-Айца. Такім чынам, была адкрыта на зямлі таямніца Святой Троіцы: Богя явіў Сябе ва ўсіх трох Іпастасях. |