Беларуская Праваслаўная Царква -
Тураўская епархія
Епіскап Тураўскі і Мазырскі Леанід (свецкае імя - Феадосій Мітрафанавіч Філь)
Нарадзіўся 2 верасня 1960 года ва Украіне ў в. Несцераўцы Дунаевецкага р-на Хмяльніцкай вобласці ў сям'і веруючых сялян.
З 1967 г. па 1977 г. навучаўся ў Несцеравецкай сярэдняй школе.
З 1978 г. па 1980 г. праходзіў сапраўдную тэрміновую службу ў шэрагах Савецкага Войска.
У 1981 г. паступіў у Маскоўскую духоўную семінарыю, а ў 1985 г. у Маскоўскую духоўную акадэмію.
8 сакавіка 1987 г., у першы тыдзень Вялікага посту, па блаславенні Свяцейшага Патрыярха Маскоўскага і ўсяе Русі Пімена інспектарам Маскоўскай духоўнай акадэміі архімандрытам Георгіем (Гразновым) (цяпер — архіепіскап Людзінаўскі, вікарый Калужскай епархіі) пастрыжаны ў манаства з імем Леанід, у гонар прападобнага Леаніда Усцьнядумскага.
20 сакавіка 1987 г. архіепіскапам Дзмітраўскім Аляксандрам, рэктарам МДАіС, пасвечаны ў іерадыякана, а 12 ліпеня 1987 г. у іераманаха.
За час вучобы ў Маскоўскай духоўнай акадэміі быў узнагароджаны медалямі прападобнага Сергія Раданежскага I і II ступеняў.
У 1989 г. скончыў поўны курс Маскоўскай духоўнай акадэміі і быў зацверджаны на пасадзе памочніка Інспектара і выкладчыка Рэгенцкай школы пры МДА.
У 1990 г. прызначаны старэйшым памочнікам інспектара і выкладчыкам ізноў адчыненай Мінскай духоўнай семінарыі.
1 верасня 1992 г. мітрапалітам Мінскім і Слуцкім Філарэтам узведзены ў сан ігумена і прызначаны на пасаду інспектара Мінскай духоўнай семінарыі.
З 9 па 13 чэрвеня 1993 г. браў удзел у якасці прадстаўніка Беларускай Праваслаўнай Царквы ў 25-ым нямецкім Евангелічным Кірхентаге, які праходзіў у г. Мюнхене.
14 чэрвеня 1996 г. мітрапалітам Мінскім і Слуцкім Філарэтам узведзены ў сан архімандрыта.
Рашэннем Сінода Беларускай Праваслаўнай Царквы ад 3 жніўня 1996 г. (часопіс № 37) прызначаны рэктарам Мінскай духоўнай семінарыі.
У 1997 г. пастановай Рады Маскоўскіх духоўных акадэміі і семінарыі за дысертацыю на тэму «Пастырства ў Рускай Праваслаўнай Царкве ў XIV-XV стст.» была прысуджана навуковая ступень кандыдата багаслоўя.
Рашэннем Сінода Беларускай Праваслаўнай Царквы ад 14 снежня 1997 г. і Святога Сінода Маскоўскага Патрыярхата ад 26 снежня 1997 г. прызначаны рэктарам Мінскай духоўнай акадэміі.
У 1998 г. па блаславенні мітрапаліта Мінскага і Слуцкага Філарэта прызначаўся старшынёй Дзяржаўнай экзаменацыйнай камісіі факультэта тэалогіі Еўрапейскага гуманітарнага ўніверсітэта.
У 1999 г. браў удзел у працы аккрэдытацыйнай камісіі Рэспубліканскай дзяржаўнай інспекцыі сістэмы адукацыі Рэспублікі Беларусь па праверцы факультэта тэалогіі Еўрапейскага гуманітарнага ўніверсітэта.
З 18 па 25 ліпеня 1999 г. удзельнічаў у працы XVI Генеральнай асамблеі Сіндэсмаса, якая праходзіла ў Нова-Валаамскам манастыры (Фінляндыя).
16 верасня 1999 г. па прадстаўленні мітрапаліта Мінскага і Слуцкага Філарэта ўзнагароджаны Свяцейшым Патрыярхам Маскоўскім і ўсяе Русі Алексіем II ордэнам Рускай Праваслаўнай Царквы святога дабравернага князя Данііла Маскоўскага III ступені, а 2 верасня 2000 г. ордэнам прападобнага Сергія Раданежскага III ступені.
У 2000 г. браў удзел у працы аккрэдытацыйнай камісіі Рэспубліканскай дзяржаўнай інспекцыі сістэмы адукацыі Рэспублікі Беларусь у якасці эксперта па праверцы ведаў студэнтаў факультэта тэалогіі Еўрапейскага гуманітарнага ўніверсітэта па спецкурсе «Біблейскія прарокі» і для праверкі дэканата факультэта тэалогіі.
Пастановай Навуковай рады Мінскай духоўнай акадэміі ад 2-4 кастрычніка 2000 г. прысвоена навуковае званне дацэнта Мінскай духоўнай акадэміі.
З 26 па 28 студзеня 2001 г. браў удзел у працы семінара «Рэлігійная адукацыя ў сучасным грамадстве», які праходзіў у IBB Цэнтры ў г. Мінску.
З 26 па 30 верасня 2001 г. удзельнічаў у працы V Міжнароднага кангрэса праваслаўных багаслоўскіх школ, які праходзіў на Белградскім багаслоўскім факультэце, дзе выступаў з дакладам «Праваслаўнае багаслоўе місіі на сучасным этапе».
12 лютага 2003 г. Камітэтам па справах рэлігій і нацыянальнасцяў пры Савеце Міністраў Рэспублікі Беларусь быў узнагароджаны ганаровай граматай «за працу па адукацыі і выхаванню моладзі, значны асабісты ўнёсак у справу духоўнага адраджэння беларускага народа».
30-31 траўня 2003 г. удзельнічаў у працы канферэнцыі «Праваслаўная эклезіялогія», якая праходзіла на кафедры Праваслаўнага багаслоўя Беластоцкага ўніверсітэта (Польшча).
4 лютага 2004 г. браў удзел у Рэспубліканскім семінары на тэму «Роля Праваслаўя ў фармаванні духоўных, культурна-гістарычных і дзяржаўных традыцый беларускага народа».
5-10 кастрычніка 2004 г. браў удзел у 6-ым Сусветным Кангрэсе вышэйшых праваслаўных школ, які праходзіў у Сафійскім універсітэце св. Клімента Охрыдскага (Балгарыя).
26 лістапада 2006 г. мітрапалітам Мінскім і Слуцкім Філарэтам «з ўвагай да працы на ніве духоўнай асветы і ў сувязі з 10-годдзем заснавання Мінскай духоўнай акадэміі» ўзнагароджаны медалем Беларускай Праваслаўнай Царквы свяціцеля Кірылы Тураўскага.
13-16 лістапада 2007 г. браў удзел у Міжнароднай навукова-багаслоўскай канферэнцыі Рускай Праваслаўнай Царквы «Праваслаўнае вучэнне пра царкоўныя Таінствы», якая праводзілася ў г. Масква.
З 2001 г. у складзе рэдкалегіі складанкі «Багаслоўскія працы».
Перыядычна ўдзельнічаў у працы Багаслоўскай камісіі пры Святым Сінодзе Рускай Праваслаўнай Царквы; у Міжнародных Нараджэнскіх адукацыйных чытаннях; у Міжнародных Кірыла-Мефодзіеўскіх чытаннях, якія праводзяцца багаслоўскім факультэтам Беларускага дзяржаўнага ўніверсітэта.
Рашэннем Святога Сінода ад 27 снежня 2007 года (часопіс №154) прызначаны епіскапам Рэчыцкім, вікарыем Гомельскай епархіі. Хиратанісаны ў епіскапа Рэчыцкага 12 лютага 2008 года.
Рашэннем Святога Сінода ад 7 чэрвеня 2012 г. (журнал № 53) прызначаны Праасвяшчэным Тураўскім і Мазырскім.
Узнагароды:
Царкоўныя:
1999 г. ордэн св. блгв. князя Данііла Маскоўскага III ступені;
2000 г. ордэн прп. Сергія Раданежскага III ступені;
2006 г. медаль свяціцеля Кірылы Тураўскага Беларускай Праваслаўнай Царквы;
2010 г. ордэн прп. Сергія Раданежскага II ступені;
медаль прп. Сергія Раданежскага II ступені;
медаль прп. Сергія Раданежскага I ступені.
Свецкія:
2003 г. ганаровая грамата Камітэта па справах рэлігій і нацыянальнасцяў пры Радзе Міністраў Рэспублікі Беларусь.